[2000-08-14, 12:08-12:27] navvo' Suqta'.

yIH bom.

ben law' HoD Huj vIqIH.
SuvwI' ghaH. Doj 'ej 'IH.
vIqotlhbe'. peHar tlhIH.
'ach jIHvaD nuq nob? yIH.

yIH! yIH! reH vImuS jIH.
yIH! yIH! va! mumuS bIH.
qatlh qaSpu'? qatlh muQIH?
maw''a' yaSvam?—jIpIH.

pay' jach. SajDaj vInIH.
taQmo' HoSDo' vIpIH.
Do'Ha' jIboH. jIwIH.
HIchwIj vIQeq. vIrIH.

yIH! yIH! reH vImuS jIH.
yIH! yIH! va! mumuS bIH.
qatlh qaSpu'? qatlh muQIH?
maw''a' yaSvam?—jIpIH.

HeghchoHbe' HoD. 'ach ghIH.
Saj 'ay'Du''e', Dat vIH.
machqu'. 'ach nIteb QIH.
DaH Hegh. jIpaybe' jIH.

yIH! yIH! va! vImuS jIH.
yIH! yIH! reH mumuS bIH.
qatlh qaSpu'? qatlh nulIH?
ghomHa'DI' 'ay'Du'.—'IH.


tera' DIS cha'-pagh-pagh-pagh bom mu' qonta' 'angghal (Lawrence
Shoen) 'ej QoQ qonta' HoD Qanqor (Rich Yampell)

[eof]