'upSalaDaq yIn tlhIngan Hol

'upSalaDaq tlhIngan Hol ghojwI' lutu'lu'. maH. ghom mach maH (mach ghom 'a ghomHom 'oHbe'.) 'a maHem. Hoch maSovbe' 'a maghoj. Hoch tera' Hogh, maghom. Dargh wItlhutlh. ta' Hol mu' wIlaD. motlh wa' Qo'noS QonoS 'ay' wIlaD ghIq nItebHa' wImugh.

yej'an wImojmoHpu'. ghommajvaD Klingonska Akademien wIpong. (Swedish yajbogh nuvvaD qIDHom 'oH pong'e'.) Degh wIghaj. wa' joqwI' wIghaj je. 'a Daq, pa' ghap le' wIghajbe'mo' (wwwDaq Daq wIghaj neH) vaj juHwIjDaq maghom.

wa' jaj, tlhIngan Hol jatlhwI' teH wImojchoHpu'. jatlhlu'meH QaQ jajvam.

'upSala wIDab Hoch maH. naDev Dalengchugh (pagh naDev DaDabchugh) maHvaD QIn yIngeHbej. reH mebma' DIvan. yItlhej 'ej tlhIngan Hol yIjatlh. pIghojmoHqang. maghojqang.

'upSalaDaq qonta' maHvatlh.